فلّتنا

ألعاب جماعية تجمعكم، كل واحد من جواله

فلّتنا منصة ألعاب جماعية عربية مجانية للعائلة والأصدقاء. كل واحد يلعب من جواله أو الآيباد من المتصفح، بدون تنزيل تطبيق وبدون شاشة كبيرة. مثالية للجمعات العائلية، والاستراحات، وليالي رمضان، والعيد.

🎮 ابدأ اللعب

كيف نلعب؟

  1. المشرف يفتح جلسة
    يسجّل مجموعته مرة وحدة، ويختار الحاضرين، ويطلع له رمز من 4 أرقام.
  2. الكل يدخل من جواله
    يمسح رمز QR ويضغط على اسمه. بدون تسجيل.
  3. تبدأ الفلّة
    السؤال يطلع عند الكل في نفس اللحظة، والأسرع ياخذ نقاط أكثر، وتتنافسون أفراد وفرق.

الألعاب

🌍

الأعلام والمدن

لعبة أسئلة ثقافية عن أعلام الدول وعواصمها. يطلع علم أو سؤال عن عاصمة مع أربع خيارات، والأسرع ياخذ نقاط أكثر. فيها ثلاث مستويات: سهل وعام وصعب.

🫵

مين فينا؟

لعبة اجتماعية تضحّك: يطلع سؤال خفيف مثل «مين أكثر واحد يضحّكنا؟»، وكل واحد يصوّت سراً على واحد من الحاضرين، وينكشف «نجم السؤال».

📜

كمّل المثل

أمثال شعبية سعودية وخليجية: يطلع أول المثل وتختار تكملته الصحيحة. فرصة الكبار يتفوقون على الصغار!

😂

نكتة وتقييم

كل واحد يقول نكتة بصوته، والباقي يقيّمونها بالوجوه. مين نجم الضحك؟

🔍

وش المختلف؟

أربعة أشياء: ثلاثة يجمعها رابط وواحد مختلف، تلقاه قبل الباقين؟

🤥

الكذبة بين الحقيقتين

كل لاعب يكتب حقيقتين عن نفسه وكذبة وحدة، والباقي يصوّتون على الكذبة. تكشف أهلك ولا ينخدعون؟

أسئلة شائعة

وش هي فلّتنا؟

فلّتنا منصة ألعاب جماعية عربية للعائلة والأصدقاء. كل واحد يلعب من جواله أو الآيباد، والأسئلة تطلع عند الكل في نفس اللحظة، وتتنافسون أفراد وفرق.

هل فلّتنا مجانية؟

فلّتنا الحين تقدر تلعب فيها مجاناً. وفيه عضوية ⭐ اختيارية بمزايا إضافية.

هل أحتاج أنزل تطبيق؟

لا، تشتغل من المتصفح على أي جوال أو آيباد، آيفون أو أندرويد. وإذا تفضّل التطبيق، ابحث عن «فلّتنا» في App Store (للآيفون والآيباد)، وتقدر تضيفها للشاشة الرئيسية من المتصفح.

هل نحتاج شاشة كبيرة أو تلفزيون؟

لا. كل لاعب يشوف السؤال ويجاوب من جواله، فما تحتاجون أي شاشة ثانية.

كيف ندخل اللعبة؟

المشرف يسجّل مجموعته مرة وحدة بحساب Google أو Apple وبكود دعوة (تقدر تطلبه من «تواصل معنا»)، وفي كل جمعة يفتح جلسة ويطلع له رمز من 4 أرقام ورمز QR. الباقي يمسحون الرمز ويضغطون على أسمائهم، بدون تسجيل.

كم شخص يقدر يلعب؟

من شخصين وأكثر. وتقدرون تلعبون أفراد، أو تنقسمون فريقين بالقرعة: فريق الشمس وفريق الليل.

هل تناسب الأطفال؟

نعم. الأسئلة عائلية ومناسبة لكل الأعمار، والإجابة الغلط ما عليها خصم. ولو أكثر من طفل على جهاز واحد، يلعبون كفريق.

وش الألعاب الموجودة؟

مين فينا؟، والكذبة بين الحقيقتين، ونكتة وتقييم، وخمّن بالإيموجي، وكمّل المثل، والأعلام والمدن. وتنضاف ألعاب جديدة باستمرار.