→ الرئيسية

طريقة اللعب

فلّتنا ألعاب جماعية للعائلة والأصدقاء. كل واحد يلعب من جواله أو الآيباد، وما تحتاجون شاشة كبيرة. تقدرون تلعبون من التطبيق (الأفضل)، أو من الموقع مباشرة بدون تنزيل. وشوفوا الدليل المصوّر.

١. المشرف يسجّل المجموعة

واحد منكم يكون المشرف. يضغط «سجّل مجموعة جديدة»، ويكتب بريده، ويوصله رابط دخول بدون كلمة مرور. بعدها يكتب اسم المجموعة وأسماء الأعضاء، ولكل عضو أيقونة. هذي الخطوة مرة وحدة بس.

٢. فتح جلسة في كل جمعة

٣. الكل يدخل من جواله

٤. الفرق

المشرف يقسّم الحاضرين على فريقين بالقرعة: فريق الشمس وفريق الليل. نتيجة الفريق هي متوسط نقاط أفراده، عشان تكون المنافسة عادلة حتى لو فريق أكبر من الثاني.

٥. اللعب والنقاط

الألعاب

نصائح

أسئلة شائعة

وش هي فلّتنا؟

فلّتنا منصة ألعاب جماعية عربية للعائلة والأصدقاء. كل واحد يلعب من جواله أو الآيباد، والأسئلة تطلع عند الكل في نفس اللحظة، وتتنافسون أفراد وفرق.

هل فلّتنا مجانية؟

فلّتنا الحين تقدر تلعب فيها مجاناً. وفيه عضوية ⭐ اختيارية بمزايا إضافية.

هل أحتاج أنزل تطبيق؟

لا، تشتغل من المتصفح على أي جوال أو آيباد، آيفون أو أندرويد. وإذا تفضّل التطبيق، ابحث عن «فلّتنا» في App Store (للآيفون والآيباد)، وتقدر تضيفها للشاشة الرئيسية من المتصفح.

هل نحتاج شاشة كبيرة أو تلفزيون؟

لا. كل لاعب يشوف السؤال ويجاوب من جواله، فما تحتاجون أي شاشة ثانية.

كيف ندخل اللعبة؟

المشرف يسجّل مجموعته مرة وحدة بحساب Google أو Apple وبكود دعوة (تقدر تطلبه من «تواصل معنا»)، وفي كل جمعة يفتح جلسة ويطلع له رمز من 4 أرقام ورمز QR. الباقي يمسحون الرمز ويضغطون على أسمائهم، بدون تسجيل.

كم شخص يقدر يلعب؟

من شخصين وأكثر. وتقدرون تلعبون أفراد، أو تنقسمون فريقين بالقرعة: فريق الشمس وفريق الليل.

هل تناسب الأطفال؟

نعم. المشرف يختار نوع الجلسة (كبار، عائلي، أطفال) وتطلع الألعاب المناسبة بس. وجلسة الأطفال فيها أزرار كبيرة ووقت أطول وبدون إعلانات، والإجابة الغلط ما عليها خصم. ولو أكثر من طفل على جهاز واحد، يلعبون كفريق.

وش الألعاب الموجودة؟

مين فينا؟، والكذبة بين الحقيقتين، ونكتة وتقييم، وخمّن بالإيموجي، وكمّل المثل، ووش معناها؟ (كلمات من لهجاتنا)، وترتيب، والأعلام والمدن، ومعها ألعاب للأطفال: هات شي، وكم عددهم؟، ومين مو منهم؟، والظل. وتنضاف ألعاب جديدة باستمرار.